Maca & chili kryddað ceremonial kakó

Aphrodisiac kakóið frá ORO sameinar einstakar kakóbaunir frá Nicaragua, víetnamískan kanil, Ceylon kanil, Maca rót og vandlega valdar chili tegundir (Ancho, Guajillo, Árbol og Cayenne) sem skapa djúpt, kryddað og hlýlegt bragð sem gefur þér notalegan hita.

Líkt og annað kakó frá ORO er það steinmalað á hefðbundinn hátt sem varðveitir náttúrulegu fitu kakóbaunarinnar og skilar einstaklega mjúkri áferð og ríkulegu bragði.

Rótarjurtin Maca vex hátt uppi í Andes fjöllunum og hefur verið notuð í aldaraðir í Suður-Ameríku, hún var mikils metin meðal Inka og er sögulega tengd þreki og úthaldi við krefjandi aðstæður. Kanill og chili gefa drykknum hlýju og karakter sem gerir hann að einstakri upplifun. Samspil kakósins, kryddanna og náttúrulegs teóbrómins skapar drykk sem hentar vel til að hægja á sér og njóta augnabliksins.

Kakó inniheldur steinefni á borð við magnesíum, kopar og kalíum auk flavanóla og annarra andoxunarefna sem finnast náttúrulega í kakóbauninni. Flavanóla eru náttúruleg plöntusambönd sem hafa vakið athygli vísindamanna fyrir andoxunareiginleika sína og tengsl við heilbrigt blóðflæði og starfsemi æðakerfisins.

Hvernig við njótum þess:

Blandaðu kakói saman við heitt vatn, í kringum 75-80 gráður. Hrærðu vel eða notaðu blandara fyrir loftmeiri áferð og njóttu.